Më 4 shkurt 2009

Takimi i katërt vjetor i shoqërisë civile

Më 4 shkurt, në Qendrën Informative të UE-së, Misioni i UE-së në Shkup organizoi takimin e katërt vjetor të shoqërisë civile.

Qëllimi i këtij evenimenti ishte të inkurajohet diskutimi lidhur me bashkëpunimin midis Unionit europian dhe sektorit të shoqërisë civile.
Në këtë ngjarje, u prezantuan dhjetë projektet që fituan grante, në suaza të Skemës Ndihmëse me Seli në Vend 2007 të Instrumentit Europian për Demokraci dhe të Drejta të Njeriut (EIDHR).

Përfaqësuesit e shoqërisë civile u informuan mbi shpalljen e thirrjes për propozime EIDHR 2008, si dhe për mundësitë e tjera financiare në suaza të Instrumentit para-anëtarësues, programeve të Unionit, etj.

Synimi kryesor i Instrumentit Europian për Demokraci dhe të Drejta të Njeriut (EIDHR) është të kontribuojë në zhvillimin dhe konsolidimin e demokracisë, ushtrimit të ligjit, si dhe respektimit të të drejtave dhe lirive të njeriut përbrenda kornizës së politikës së Unionit, mbi zhvillimin e bashkëpunimit ekonomik, financiar dhe teknik me vendet në zhvillim.