11 shkurt 2009

Panel debatues me titull - “Si ta bëjmë internetin vend më të sigurtë”

Me rastin e kremtimit të Ditës të Internetit më të Sigurtë 2009, Qendra Informative e UE-së në Shkup do të organizojë debatin e titulluar “Si ta bëjmë internetin vend më të sigurtë”.

Paneli debatues do të mbahet në Qendrën Informative të UE-së (Mito Haxhivasilev Jasmin 52v) më 11 shkurt 2008, në ora 12.00. Ftohen përfaqësuesit e mediave të marrin pjesë dhe të raportojnë mbi debatin.

Qëllimi i këtij paneli është ngritja e vetëdijes lidhur me përdorimin e sigurtë dhe me përgjegjësi të teknologjive të reja, e sidomos të internetit.

Publikut do t’i drejtohen Patrik PAKE, Shef i Sektorit Politik dhe Informativ në Misionin e Unionit Europian, Elena STOJANOVSKA nga Drejtoria e mbrojtjes të të dhënave personale, Bardhyl JASHARI – Drejtor i Fondacionit Metamorfoza dhe Aleksandar TOKAREV, Shef teknologjik i ndërmarrjes për Teknologji Informative “Nextsense”.

Në panelin diskutues do të marrin pjesë studentë dhe përfaqësues të sektorit civil.