16 shkurt 2009

Dita e pranverës në Europë 2009

Në Qendrën Informative të UE-së në Shkup, të hënën më 16 shkurt 2009, ekipi organizativ i “Ditës së pranverës në Europë 2009” mbajti një konferencë për shtyp, në të cilën anonçoi fillimin e aktiviteteve të këtij viti.

Ambasadori Ervan Fuere, kryetari Branko Cërvenkovski dhe anëtarë të ekipit organizativ Sasha Bogdanoviq, Brankica Georgievska dhe Ana Malçeva, iu drejtuan përfaqësuesve tw 10 organizatave, tw cilat inicuan evenimentin e këtij viti.
Dita e pranverës në Europë është kampanjë vjetore që mbahet njëkohësisht në të gjitha vendet e Europës dhe u mundëson qytetarëve të rinj të shprehin qëndrimet e tyre dhe të kwrkojnw qw zwri i tyre tw dwgjohet. Dita e pranverës për Europën në vend, organizohet tradicionalisht për herë të shtatë. Dhjetë organizatat që inicuan ngjarjen e sivjetshme dhe ato të 3 viteve të kaluara janë: AEGEE, AIESEC, Federalistët e Rinj Europianë, ЕМSА, Forumi Arsimor Rinor, Rinia për Rininë, HERA, SSFON, Vavilon Porta dhe Kreator.

Dita e pranverës 2009, do të përfshijë edhe Kampin Pranveror Arsimor Rinor, në të cilin takohen rreth 100 të rinj dhe diskutojnë mbi temat lidhur me UE-në. Përveç kampanjës së titulluar “Të gjithë të ndryshëm – të gjithë të barabartë“, pjesë e këtij evenimenti do të jetë edhe tavolina e rrumbullakët, me temë “Rinia në Maqedoni: e barabartë dhe e ndryshme”, në të cilën do të ketë pjesëmarrës nga Kampi Pranveror, përfaqësues të OJQ-ve për të rinj, përfaqësues qeveritarë dhe ekspertë të UE-së.