26 Shkurt

Punëtoria: “Fëmijëri pa keqtrajtime”

Më 26 shkurt, Ambasada e parë për fëmijë “Megjashi” organizoi punëtorinë e titulluar “Fëmijëri pa keqtrajtime – drejt një sistemi më të mirë për mbrojtjen e fëmijëve, në Europën Lindore”. Punëtoria është pjesë e projektit "Ndërtimi i kulturës për mbrojtjen e fëmijëve" dhe financohet në suaza të projektit vendor 2007, të bazuar në skemën përkrahëse të Instrumentit Europian për Demokraci dhe të Drejta të Njeriut (EIDHR).

Rreth 25 punëtorë socialë, pedagogë, psikologë të institucioneve shtetërore dhe vullnetarë të linjës SOS për fëmijë dhe të rinj, morën pjesë në punëtorinë që e udhëhoqi mbikqyrësi ndërkombëtar nga Bullgaria.