11 maj 2009

Diskutimi i panelit në temën “Nga rënia e Perdes së Hekurt në vitin 1989 deri në zgjerimin e vitit 2004”

Me rastin e përvjetorit të pestë të zgjerimit më të madh të UE-së dhe përvjetorit të njëzetë të Rënies së Murit të Berlinit, Misioni i Unionit Europian organizoi diskutimin e panelit me temë: “Nga rënia e Perdes së Hekurt në vitin 1989 deri në zgjerimin e vitit 2004”. Evenimenti u mbajt më 11 maj, në Qendrën Informative të UE-së në Shkup, në praninë e mediave.

Ambasadorët e Republikës Çeke - Jozef BRAUN, Hungarisë - Ferenc KÉKESI, Polonisë - Dariuz KAROL BASHURA, Sllovenisë - Alen BERGANT si dhe Robert KIRNAG, Kryesi i detyrës në Ambasadën e Sllovakisë dhe nikoqiri i tyre – Ambasadori Ervan FUERE, Shefi i Misionit të
UE-së, iu drejtua auditorit me përfaqësues nga qevria, këshilli nacional për Integrime europiane, Komisioni parlamentar për çështje europiane, Komisioni i përbashkët parlamentar, Ambasadorë të tjerë të UE-së, shoqëria civile dhe studentët.

Ambasadorët folën lidhur me përvojat e vendeve të tyre, në procesin e anëtarësimit në UE, lidhur me: sigurinë e përmirësuar dhe kualitetin jetësor pas anëtarësimit të Republikës Çeke në UE; kontributin e anëtarësisë në UE për zhvillimin dhe modernizimin e ekonomisë së Hungarisë; përforcimin e rolit të UE-së dhe pasha politike e UE-së në botë; influence e futjes në përdorim të euros në eknominë e Sllovenisë; ndikimi i ribashkimit të kontinentit dhe anëtarësimit të shteteve të reja anëtare të UE-së në krijimin e identiteti të vërtetë europian.

Ata gjithashtu theksuan rëndësinë e rënies së Perdes së Hekurt dhe zgjerimin e UE-së në ribashkimin e Europës, restaurimin e demokracisë në Europë dhe krijimin e demokracive funksionale.

Auditori kishte mundësinë të shohë fjalimin video të Komisionerit Oli Ren, lidhur me kremtimin e Ditës së Europës.

Diskutimi i panelit me temë “Nga rënia e Perdes së Hekurt në vitin 1989 deri në zgjerimin e vitit 2004” ishte pjesë e programit për Ditën e Europës 2009.