21 PRILL

Ekspozita “Kreativiteti dhe inovacioni në jetën e përditshme” u hap në Qendrën Informative të UE-së

Si pjesë e Ditëve të Kreativitetit dhe Inovacionit, të cilat po mbahen në Qendrën Informative të UE-së në Shkup, më 21 prill u hap një ekspozitë e inovacioneve të shpërblyera nga inovatorët, e titulluar “Kreativiteti dhe inovacionet në jetën e përditshme”. Katërmbëdhjetë shpikje të shpërblyera në ekspozita të ndryshme, do të ekspozohen në Qendrën Informative të UE-së, deri më 5 maj.

Gjatë ceremonisë së hapjes, Ambasadori Ervan FUERE, Përfaqësuesi Special i Unionit Europian dhe Shef i Delegacionit të Komisionit Europian, ua prezantoi ekspozuesve Çertifikatat e pjesëmarrjes.

Me këtë rast, ai theksoi rëndësinë e inovacioneve në jetën e përditshme, për zhvillimin ekonomik, arsimor dhe social, si dhe për mirëqenien individuale.

Qendra Informative e UE-së, organizoi Ditët e Kreativitetit dhe Inovacionit, si pjesë e Vitit të Kreativitetit dhe Inovacionit.