24 PRILL

Misioni i UE-së shpall aktivitetet njëmujore për kremtimin e Ditës së Europës 2009

Të premten, më 24 prill, Misioni i UE-së në Shkup organizoi një konferencë për shtyp në Qendrën Informative të UE-së, ku Ambasadori Ervan Fuere prezantoi aktivitetet e parapara për të shënuar Ditën e Europës (më 9 maj).

“Sivjet organizojmë shumë evenimente në tërë vendin, për të kremtuar Ditën e Europës dhe me qëllim të afrimit të procesit integrues në UE, më pranë qytetarëve”, tha Ambasadori Ervan FUERE.

Krahas hepeningut tradicional multi-medial për Ditën e Europës më 9 maj, i cili sivjet do të mbahet në Tetovë, gjatë muajit prill dhe maj do të mbahen edhe një varg aktivitete dhe manifestime të tjera tradicionale: Dita tradicionale Europiane e Flamurit, Gara e Kamarierëve dhe Kamariereve, Maratoni i Shkupit, si dhe Vallëzimi i famshëm Studentor. Përveç kësaj, gjatë javës së fundit të prillit dhe në tre javët e para të muajit maj, do të mbahen debate dhe evenimente të ndryshme publike në tërë vendin.

Gjatë konferencës për shtyp, u shpall edhe konkursi i sivjetshëm për punim gazetaresk Zhan Mone. Tema e këtij viti është "Nga rënia e mbulesës së hekurt në vitin 1989 e deri në zgjerimin e vitit 2004 ". Tema e këtij viti u zgjodh për të shënuar përvjetorin e pestë të zgjerimit më të madh të UE-së deri më tani dhe përvjetorin e 20 të rënies së Murit të Berlinit.

Për informata më të hollësishme mbi programin e Ditës së Europës, kliko në linkun në vijim: Axhenda e hollësishme në shqip