13 maj 2009

Studentët e Universitetit të Europës Juglindore në Qendrën Informative të UE-së

Më 13 maj, mbi 60 studentë të studimeve të biznesit në Universitetin e Europës Juglindore në Tetovë, vizituan Qendrën Informative të UE-së në Shkup, si pjesë e aktiviteteve të Ditës së Europës dhe Ditës europiane të sipërmarrësisë.
Studentët morën pjesë në ligjëratën e hartuar për nivelin e njohurive të tyre mbi historinë dhe institucionet e UE-së, mbi mundësitë në dispozicion për studentët dhe mbi rolin e Misionit të Unionit Europian.

Qendra Informative e UE-së hapi dyert e veta për nxënësit e shkollave fillore dhe të mesme, si dhe për studentët e universitetve. Qëllimi është të themelohet komunikimi i rregullt dhe të zgjerohen njohuritë mbi çështjet e UE-së, përmes kontaktit të drejtëpërdrejtë.

Qasja afatgjate e aktivitetit të titulluar “Dyer të hapura për nxënësit” është të sigurojë informata dhe të kultivojë komunikimin me të rinjtë. Grupe të nxënësve nga mbi 20 shkolla vizituan Qendrën Informative të UE-së, në suaza të këtij aktiviteti.