02 qershor 2009

Ekspozita “Robotët e Mileniumit të tretë” nga 2 deri më 23 qershor
 

Më 2 qershor, Qendra Informative e UE-së në Shkup hapi ekspozitën e vizatimeve të fëmijëve “Robotët e Mileniumit të tretë”, e cila do të jetë e hapur prej 2 qershorit deri më 23 qershor. Vizatimet i punuan nxënës nga 11 shkolla fillore të Shkupit, gjatë punëtorisë kreative, të mbajtur më 15 prill, si pjesë e Ditëve të Kreativitetit dhe Inovacionit në Qendrën Informative të UE-së.

Nxënësve u uroi mirëseardhje Patrik PAKE, Shef i Sektorit Politik dhe Informativ në Misionin e UE-së, i cili shprehu falemnderimet për kontributin që ata dhanë për Vitin e Kreativitetit dhe Inovacionit, duke qënë pjesë e punëtorisë të mbajtur në muajin prill.
Unioni Europian shpalli vitin e sivjetshëm si Vit të Kreativitetit dhe Inovacionit. Me këtë synohet ngritja e vetëdijes për rëndësinë e kreativitetit dhe inovacionit në zhvillimin personal, social dhe ekonomik; në shpërndarjen e përvojave të mira; stimulimin e arsimit dhe hulumtimit, si dhe përkrahjen e debateve mbi çështjet e caktuara.