02 qershor 2009

U HAP PIKA E RE INFORMATIVE E UE- SË NË BIBLIOTEKËN UNIVERSITARE KOMBËTARE “SHËN KLIMENT I I OHRIT”
 

Më 2 qershor , në Shkup, në Bibliotekën Universitare Kombëtare “Shën Klimenti i Ohrit” u hap pika e re informative e Unionit Europian.

Pikën e re informative të Unionit Europian e inauguroi zyrtarisht ambasadori Ervan Fuere dhe zëvendës kryeministri për integrim europian, Ivica Bocevski.

“Sa më shumë përparon integrimi i UE-së, aq më shumë specializohet shpërndarja e informatave mbi politikën e UE- së. Kështu që, do të jetë shumë me rëndësi që transmetuesit e UE- së t’i sigurojnë këto informata për qytetarët. Pikat informative të UE- së dhe UEi-të, kanë vërtetuar se janë partnerë të besueshëm”, tha ambasadori Fuere, gjatë ceremonisë së hapjes.

Pika informative e UE-së në Bibliotekën Universitare Kombëtare “Shën Klimenti i Ohrit”, do të jetë pjesë e rrjetit informativ të UE- së, i cili përbëhet nga 7 pika informative të vendosura në komunën e Manastirit, Gostivarit, Kavadarcit, Koçanit, Kumanovës, Tetovës dhe Velesit, si dhe në tre EUi-të e Universiteteve të Shkupit, Manastirit dhe Tetovës. Këtë rrjet informativ e koordinon Qendra Informative e UE- së në Shkup.

Synimi kryesor i pikës informative të UE-së është që të jetë vend ku qytetarët do të mësojnë mbi funksionimin e UE-së dhe institucioneve, politikave dhe programeve të tij, si dhe mbi zhvillimin e marrëdhënieve midis UE-së dhe ish Republikës Jugosllave të Maqedonisë. Pikat informative ofrojnë qasje pa pagesë në botimet lidhur me UE-në, qasje pa pagesë në ueb faqet Europa. Përveç kësaj pika informative ofron shans për pjesëmarrje në takime, ku diskutohen tema që kanë të bëjnë me UE-në dhe janë të lidhura me interesat e qytetarëve.