26 qershor 2009

Në Qendrën Informative të UE-së u mbajt tryeza e rrumbullakët “Liberalizimi i vizave përballë negociatave të UE-së”
 

Më 26 qersshor, në Qendrën Informative të UE-së u organizua tryeza e rrumbullakët e titulluar “Liberalizimi i vizave përballë negociatave të UE-së”, në bashkëpëunim me Qendrën Informative OJQ dhe Qendrën e Maqedonisë për trajnim europian, si pjes e projektit të tyre “Kohë për UE”.



Spikerët Ambasadori Ervan FUERE, Përfaqësuesi Special i Unionit Europian dhe Shefi i Delegacionit Europian, Antonio MILLOSHOSKI, Ministri i punëve të jashtme, Tito PETKOVSKI nga Këshilli nacional mbi UE-në dhe Lidija DIMOVA nga Qendra e Maqedonisë për trajnim Europian, analizuan lidhjen reciroke midis liberalizimit të vizave dhe progresit të vendit drejt fillimit të negociatave të anëtarësimit. Pjesëmarrësit e panelit të tryezës së rrumbullakët ishin: Dimitar MIRÇEV - këshilltar i kryetarit, Ermira MEHMETI - Bashkimi Demokratik për Integrim, Ljubomir FËRÇKOVSKI - analist, Bobi HRISTOV - TV Alsat, Borjan JOVANOVSKI - Eurozum, Biljana SEKULLOVSKA - TV A1, Marija RISTESKA - Qendra për Hulumtim dhe bërje të politikës.

Ambasadori FUERE theksoi se liberalizimi i vizave është shembull i shkëlqyer për atë që mund të arrihet me vullnet të mirë politik për të plotësuar kriteret. “Mirëpo, liberalizimi i vizave nuk është qëllimi përfundimtar për është një stimul plotësues për punën që akoma duhet bërë” tha Ambasadori FUERE. Ai potencoi se vendi duhet të shtojë përpjekjet për të implementuar axhendën e papërfunduar të reformave të UE-së, sidomos në fushën e politikës kundër korrupcionit, reformat gjyqësore dhe të administratës publike, në mënyrë që të fitojë rekomandimin për fillim të negociatave të anëtarësimit.
Ministri Milloshoski tha se plotësimi i suksesshëm i kritereve për liberalizimin e vizave, është rezultat i përkushtimit të përbashkët të UE-së dhe vendit në këtë proces. Ai gjithashtu theksoi se procesi i përmbushjes së kritereve të liberalizimit të vizave ka efekt motivues për institucionet e Maqedonisë.
Përgjithësisht, pjesëmarrësit u pajtuan se liberalizimi i vizave është i mirëseardhur por se marrja e rekomandimit për fillimin e negociatave të anëtarësimit mbetet prioriteti më i lartë.