Gjatë muajit maj do të organizohen një varg evenimente, që do të shënojnë Ditën e Europës - 9 maj 2010. Këtë vit, Bashkimi Europian kremton përvjetorin e 60-të të Deklaratës së Shumanit, e cila për herë të parë u prezantua për shtypin ndërkombëtar më 9 maj 1950.

Dita e Europës do të kremtohet në mënyra të ndryshme – Delegacioni i Bashkimit Europian, në bashkëpunim me disa partnerë lokalë, do të organizojë mbi 30 ngjarje, përfshirë edhe hepeningun multimedial, debatet, ligjëratat, konkurset, festivalet, koncertet dhe maratonin tradicional të Shkupit.

Më 1 prill, Qendra Informative e BE-së dhe Pika Informative e BE-së në Gostivar organizuan ligjerata për BE-në për nxënësit e klasës së shtatë dhe të tetë për këto shkolla fillore: “Mustafa Kemal Ataturk”, “Ismail Qemajli” dhe “Goce Delçev”.

Më 25 shkurt, Qendra Informative e BE-së dhe Pika Informative e BE-së në Koçani organizuan ligjerata për BE-në për nxënësit e klasës së shtatë dhe të tetë nga këto shkolla fillore të Koçanit: “Nikolla Karev”, “Shn. Qirili dhe Metodi”, “Rade Kratovçe” dhe “Malina Pop Ivanova”.

Më 24 shkurt, në Qendrën Informative të BE-së u promovua evenimenti “Forcimi i kapacitetit të Sekretariatit të Përgjithshëm – Sektori i analizave të politikës dhe koordinimit – Njësia për reformat në administratën publike dhe Njësia për bashkëpunimin me OJQ-të”.

Gjatë konferencës, të pranishëmve, iu drejtuan Ambasadori Ervan FUERE, Përfaqësues Special i Bashkimit Evropian dhe Shef i Delegacionit të BE-së, z. Kirill BOZHINOVSKI, Sekretar Gjeneral i Qeverisë dhe z. Folkret MILÇ, udhëheqës i projektit.

Rreth 60 nxënës nga 6 shkolla fillore nga Shkup më 9 shkurt në Info Qendrën e BE-së morën pjesë në ligjeratë për përdorimin më të sigurt të internetit. Evenimenti u organizua me qëllim që të shënohet Dita e internetit më të sigurtë, me moton e sivjetme “Mendo para se të postosh”. Ligjerata gjithashtu është pjesë e Ditëve të shoqërisë informative të cilat do të organizohen në Qendrën Informative të BE-së nga 9 deri më 26 shkurt.

Më 22 janar, Qendra Informative e BE-së dhe Pika Informative e BE-së në Veles organizuan një prezantim lidhur me BE-në, për nxënësit e klasës së shtatë dhe të tetë, nga pesë shkolla të Velesit.

Rreth 100 nxënës nga shkollat fillore “Shën Kirili dhe Metodi”, “Bllagoja Kirkov”, “Vasill Gllavinov”, “Jordan H. Xjinot” dhe “Bllazhe Konevski” morën pjesë në ligjeratën mbi historinë dhe institucionet e BE-së, si edhe mbi të arriturat e përbashkëta të kombeve Evropiane. Pas ligjeratës, ata morën pjesë në seancën e pyetjeve dhe përgjigjjeve dhe në kuizin e shkurtër mbi BE-në.

Më 22 dhjetor, Qendra Informative e BE-se priti nxënësit e shkollës fillore "Gligor Përliçev".

Nxënësit e klasës së shatë dhe të tëtë morrën pjesë në ligjeratën mbi historinë e Bashkimit Evropian dhe institucionet e tij si edhe për mundësitë që kanë nxënësit e asaj moshe. Pas ligjeratës, ata morrën pjesë në seancën e pyetjeve dhe përgjigjjeve dhe në kuizin e shkurtër mbi BE-në.

Më 16 dhjetor, Qendra Informative e BE-së organizoi prezantim mbi BE-në për nxënësit e shkollës fillore “Johan Hajnrih Pestalloci” nga Shkupi.

Personeli i Qendrës Informative të BE-së bëri një prezantim të shkurtër mbi historinë e Bashkimit Evropian, për institucionet dhe simbolet e tij, duke përfshirë flamurin, himnin dhe moton, si dhe të arriturat e përbashkëta të popujve Evropianë.

Fitues i çmimit gazetaresk ‘Zhan Mone’, i shpallur nga Delegacioni i Bashkimit Evropian është Josif QURÇIEV, gazetar i mëparshëm i Dojçe Veles dhe kolumnist i gazetës Utrinski Vesnik. Ai fitoj çmimin për tregimin më të mirë gazetaresk për temën e këtijë viti: “Nga rënia e mbulesës së hekurt në vitin 1989 e deri në zgjerimin e vitit 2004” për një varg artikujsh të publikuar në Utrinski Vesnik.

Të ejnten, më 10 dhjetor, Delegacioni i Bashkimit Evropian në Shkup organizoi një varg ngjarjesh, për ta shënuar Ditën e të Drejtave të Njeriut. Këtë vit veçanërisht theksohet tema e antidiskriminimit. BE-ja mbështeti projektin “Renovimi i Stacionit policor në lagjen Kisella Voda”, i cili u promovua në ora 10:00 në Stacionin policor të lagjes së njejtë nga Ambasadori Ervan FUERE, Përfaqësues Special i Bashkimit Europian dhe Shef i Delegacionit të Komisionit Europian dhe znj. Gordana JANKULLOVSKA, Ministresha e Punëve të Brendshme të Maqedonisë.

Në Qendrën informative të BE-së, si pjesë e Ditëve të ndryshimeve klimatike, të premten, më 13 nëntor, u promovuan librat “Uria, makina, gruri dhe ne”, nga Fabris NIKOLINE dhe “Organizmat e modifikuar gjenetikisht, të cilët e ndryshuan botën” nga Profesor Zil-Erik SERALINI. Gjithashtu, Qendra Informative e BE-së prezantoi fletushkën “Lufta për ndryshimet klimatike – BE-ja trason rrugën” të përkthyer në gjuhët lokale.

Rreth 60 nxënës të shkollave fillore të 9 nga 10 komunat e Shkupit më 3 nëntor morën pjesë në ligjeratë mbi ndryshimet klimatike si pjesë të Ditëve të ndryshimeve klimatike, që u organizuan në Qendrën Informative të BE-së.

Më Në kuadër të Samitit të Kopenhagës për ndryshimet klimatike 2009, Misioni i BE-së do të organizojë ngjarje të lidhura me angazhimet e BE-së për uljen e nxjerrjes së gazrave të dëmshme dhe aktivitete për miratimin e politikës Evropiane mbi ndryshimet klimatike.

Qendra informative e BE-së shënoi vitin e parë të ekzistimit të vet më 20 tetor, me ç’rast festoi ditëlindjen e parë me një koktej të vogël, në zyrat e veta.

Gjatë vitit të kaluar, Qendra informative e BE-së vepronte si një forum i përhershëm i Delegacionit dhe të ngjarjeve tjera që kanë të bëjnë me BE-në, tha Ambasadori Ervan FUERE në këtë ngjarje.

Më 15 tetor, Misioni i Unionit Europian në Shkup, organizoi prezantimin e Raportit të Progresit 2009, për ish Republikën Jugosllave të Maqedonisë dhe dokumentin vjetor ”Strategjia e zgjerimit dhe sfidat kryesore 2009-2010” para komunitetit afarist.

Më 15 tetor, Misioni i Unionit Europian në Shkup, organizoi prezantimin e Raportit të Progresit 2009 për ish Republikën Jugosllave të Maqedonisë dhe dokumentin vjetor ”Strategjia e Zgjerimit dhe Sfidat Kryesore 2009-2010”. Prezantimi u mbajt para përfaqësuesve të shoqërisë civile.

Misioni i Bashkimit Evropian në Shkup mbajti konferencë për shtyp, në të cilën u prezantua Strategjia për zhvillim dhe sfidat kryesore për 2009-2010 dhe Raporti i Progresit 2009, për ish Republikën Jugosllave të Maqedonisë.

Më 28 shtator, në Qendrën Informative të BE-së, u organizua promovimi i Fjalorit për terminologjinë e BE-së nga Dr. Tanja KARAKAMISHEVA profesor në fakultetin juridik “Justinjan Primus”, Shkup dhe Veronika EFREMOVA. Autorët, Ulrike MARIJA KNOTS, Ambasadore e Republikës Federative të Gjermanisë, Patrik PAKE, Sekretari i parë i Misionit të BE-së dhe Dr. Vasko NAUMOVSKI, Zëvendës i kryeministrit në qeveri për qështje të BE-së, ju drejtuan publikut, me që e theksuan rëndësinë e publikimit të fjalorit.

Më 28 shtator, në Qendrën Informative të BE-së u mbajt Konferenca për promovim të Projektit për restaurimin e trashëgimisë kulturore – Procesi i Lubljanës. Konferenca iu dedikua promovimit të projektit për trashëgimi kulturore, në kuadër të programit të përbashkët të Komisionit Evropian dhe Këshillit Evropian. “Procesi i Lubljanës”

Më 3 shtator, Komisinonari për arsim, trajnim dhe kulturë Jan FIGEL, bëri një vizitë dyditore, duke marrë pjesë në hapjen e edicionit të edicionit të XIV-të të Bienales për artistë të rinj nga Evropa dhe Mesdheu - Shtatë porta (3-12 shtator), në sheshin kryesor të qytetit.

Komisionari për arsim, trajnim, kulturë dhe për të rinjtë, Jan FIGEL, do të vizitojë ish Republikën Jugosllave të Maqedonisë më 3 dhe 4 shtator.
Gjatë vizitës, Komisionari do të ketë takime me kryeministrin Nikolla Gruevski, Zëvendës kryeministrin për Integrim Evropian, Vasko Naumovski, Ministrin për arsim, Nikolla Todorov, dhe Ministreshën për kulturë, Elizabeta Kançevska-Milevska.

Festivali ndërkombëtar kinematografik i 30 me rradhë “Vëllezërit Manaki” u hap më 26 dhjetor në Manastir, me shfaqjen e filmit britanik Slumdog Millionaire, i drejtuar nga Deni Bojlli (2008).

Më 15 korik Qendrën informative të UE u promovua libri I Goran Iliç ‘Europa pranë udhëkryçit’.
Libri u prezentua nga Ambasadori Ervan FUERE dhe Prof. Slavejko Sasajkoski.

Sot u miratua propozimi i Komisionit Europian për udhëtim pa viza për qytetarë e tre shteteve të Ballkanit Perendimorë, gjegjësisht për ish Republikën Jugosllave të Maqedonisë, Serbisë dhe Malin e Zi me që u vërtetua përkushtimi i Komisionit Europian.
Propozimi ju mundëson qytetarëve të këtyre tre shteteve të udhëtojnë në shtetet Shengen vetëm me pasaportat biometral. Propozimi i Komisionit duhet të miratohet nga Këshilli pas konsultimeve të bëra me Parlamentin Europian. Komisioni do të vazhdoj me përkushtimin për liberalizimin e vizave edhe me Shqipërinë dhe me Bosnjë e Hercegovinën. Këto dy shtete akoma nuk i kanë plotësuar kushtet që të përfshihen në propozimin e sodit. Nëse vazhdohen reformat dhe plotësohen kushtet, Komisioni mund të propozoj propozim të ri në mesin e vitit 2010 ku do të përfshihen edhe këto dy shtete.

Më 07 korrik, në Qendrën Informative të UE-së u mbajt konferenca për shtyp, e cila u fokusua në transferimin e Presidencës së UE-së nga Republika Çeke mbi Suedinë.
Ambasadori Suedez Lars FRÉDEN elaboroi prioritetet e gjashtë muajve të ardhshëm, gjatë kohës së presidencës suedeze.

Më 26 qersshor, në Qendrën Informative të UE-së u organizua tryeza e rrumbullakët e titulluar “Liberalizimi i vizave përballë negociatave të UE-së”, në bashkëpëunim me Qendrën Informative OJQ dhe Qendrën e Maqedonisë për trajnim europian, si pjes e projektit të tyre “Kohë për UE”.

Më 2 qershor , në Shkup, në Bibliotekën Universitare Kombëtare “Shën Klimenti i Ohrit” u hap pika e re informative e Unionit Europian.
Pikën e re informative të Unionit Europian e inauguroi zyrtarisht ambasadori Ervan Fuere dhe zëvendës kryeministri për integrim europian, Ivica Bocevski.

Më 2 qershor, Qendra Informative e UE-së në Shkup hapi ekspozitën e vizatimeve të fëmijëve “Robotët e Mileniumit të tretë”, e cila do të jetë e hapur prej 2 qershorit deri më 23 qershor. Vizatimet i punuan nxënës nga 11 shkolla fillore të Shkupit, gjatë punëtorisë kreative, të mbajtur më 15 prill, si pjesë e Ditëve të Kreativitetit dhe Inovacionit në Qendrën Informative të UE-së.

Më 17 maj, studentët e Fakultetit Juridik pranë Universitetit FON morën pjesë në ligjëratën e mbajtur në suaza të projektit “Dyer të hapura për nxënësit”, i cili synon sigurimin e informatave dhe kultivimin e komunikimit me të rinjtë.
 

Më 13 maj, mbi 60 studentë të studimeve të biznesit në Universitetin e Europës Juglindore në Tetovë, vizituan Qendrën Informative të UE-së në Shkup, si pjesë e aktiviteteve të Ditës së Europës dhe Ditës europiane të sipërmarrësisë.

Me rastin e përvjetorit të pestë të zgjerimit më të madh të UE-së dhe përvjetorit të njëzetë të Rënies së Murit të Berlinit, Misioni i Unionit Europian organizoi diskutimin e panelit me temë: “Nga rënia e Perdes së Hekurt në vitin 1989 deri në zgjerimin e vitit 2004”. Evenimenti u mbajt më 11 maj, në Qendrën Informative të UE-së në Shkup, në praninë e mediave.

Më 5 maj, Shkolla për Media dhe Marrëdhënie me publikun, në bashkëpunim me Qendrën Informative të UE-së në Delegacionin e Komisionit Europian, organizoi ceremoninë për shpërblimin e Projektit më të mirë të shkollës së mesme të titulluar “Shprehu përmes medias”.
 

Të premten, më 24 prill, Misioni i UE-së në Shkup organizoi një konferencë për shtyp në Qendrën Informative të UE-së, ku Ambasadori Ervan Fuere prezantoi aktivitetet e parapara për të shënuar Ditën e Europës (më 9 maj).
“Sivjet organizojmë shumë evenimente në tërë vendin, për të kremtuar Ditën e Europës dhe me qëllim të afrimit të procesit integrues në UE, më pranë qytetarëve”, tha Ambasadori Ervan FUERE.

Si pjesë e Ditëve të Kreativitetit dhe Inovacionit, të cilat po mbahen në Qendrën Informative të UE-së në Shkup, më 21 prill u hap një ekspozitë e inovacioneve të shpërblyera nga inovatorët, e titulluar “Kreativiteti dhe inovacionet në jetën e përditshme”. Katërmbëdhjetë shpikje të shpërblyera në ekspozita të ndryshme, do të ekspozohen në Qendrën Informative të UE-së, deri më 5 maj.

Më 16 prill, Misioni i Unionit Europian organizoi prezantimin e Programit të 7 Kornizë të UE-së për Hulumtim - FP7 – si pjesë e Ditëve të Kreativitetit dhe Inovacionit, të cilat janë duke u zhvilluar në Qendrën Informative të UE-së në Shkup. Në prezantim morën pjesë përfituesit e mundshëm të këtij programi si akademikët, hulumtuesit, përfaqësuesit e komunitetit afarist, shoqëria civile, administrate publike, etj.

Me rastin e Ditëve të Kreativitetit dhe Inovacionit, duke filluar nga 21 prilli e deri më 5 maj, Qendra Informative e UE-së në Delegacionin e Komisionit Europian do të organizojë ekspozitën e inovacioneve të shpërblyera të inovatorëve nacionalë.

Ceremonia e hapjes do të mbahet në Qendrën Informative të UE-së, më 21 prill në ora 19.00.

Më 15 prill, një grup nxënësish nga 11 shkolla fillore të Shkupit morën pjesë në punëtorinë creative “Robotët e mileniumit të tretë”, i cili u organizua në Qendrën Informative të UE-së, si pjesë e aktivitetetve të organizuara me rastin e ditëve të Kreativitetit dhe Inovacionit.
Vizatimet e nxënësve do të ekspozohen në Qendrën Informative të UE-së si pjesë e kremtimit të Ditës së Europës, që do të mbahet në muajin maj.

Me rastin e Ditës së Europës, rreth 120 nxënës të shkollave nga Komuna Qendër, më 6 prill, morën pjesë në ligjëratën mbi historinë dhe institucionet e UE-së, si dhe mundësitë në dispozicion për të rinjtë.

15 prill, 10.30: Punëtori creative ku një grup fëmijësh do të shprehin qëndrimet e tyre innovative mbi robotikën dhe do të vizatojnë në temën “Robotët e mileniumit të tretë”;
16 prill, 11.00: Prezantimi i Programit 7 Kornizë të UE-së për Hulumtim - FP7
21 prill, 19.00: Ceremonia e hapjes së ekspozitës “Kreativiteti dhe inovacioni në jetën e përditshme” – prezantimi i inovacioneve të inovatorëve nga Maqedonia, të shpërblyera në konkurset ndërkombëtare.

Më 2 prill 2009, Qendra Informative e UE-së ishte nikoqire e evenimentit, i cili kishte për qëllim shënimin e përvjetorit të 30 të Direktivës së UE-së mbi shpezët. Me iniciativën e "Shoqatës Ekologjike të Maqedonisë" u organizua një debat, me qëllim të përkrahjes së Direktivës së UE-së mbi mbrojtjen e shpezëve të egra (79/409/EEC), përgjithësisht e njohur si Direktiva e Shpezëve (2 prill 1979).

Mbi 30 nxënës të Shkollës së Mesme të Mjekësisë "Pançe Karagjozov" në Shkup, më 1 prill ndoqën ligjëratën mbi historinë e Unionit Europian dhe institucioneve të tij, si dhe mbi mundësitë e hapura për të rinjtë.

Një delegacion nga Departamenti i UE-së për Komunikim dhe Informim, në Ministrinë e Punëve të Jashtme të Finlandës dhe zyrat rajonale të informimit, vizituan Qendrën Informative të UE-së në Shkup, më 24 mars 2009.
Patrik PAKE, Shef i Sektorit Politik dhe Informativ, i informoi vizitorët mbi zhvillimet e fundit të procesit integrues në UE dhe sqaroi aktivitetet e Delegacionit të Komisionit Europian lidhur me informimin dhe komunikimin me qytetarët.

Rreth 40 nxënës të Shkollës së mesme "Georgi Dimitrov " në Shkup, vizituan Qendrën Informative të UE-së në Shkup, si pjesë e projektit “Dyer të hapura për nxënësit”.
Nxënësit morën pjesë në një prezantim mbi historinë dhe institucionet e Unionit Europian, si dhe mbi mundësitë e ofruara për nxënësit. Pas ligjeratës, ata morën pjesë në seancën “Pyetje dhe Përgjigje” dhe në një kuiz të shkurtër mbi UE-në.

Nxënësit e shkollës së mesme "Ilija Nikollovski – Lluj” në Shkup, vizituan Qendrën Informative të UE-së

Më 4 shkurt, nxënësit e Qendrës shtetërore të Muzikës dhe Baletit në Shkup "Ilija Nikollovski Lluj", vizituan Qendrën Informative të Unionit Europian në Shkup.

Nxënësit morën pjesë në prezantimin e historisë së Unionit Europian dhe institucioneve të tij, si dhe prezantimin e mundësive për studentët. Pas ligjëratës, ata morën pjesë në seancën “Pyetje dhe përgjigje” dhe në kuizin e shkurtër mbi UE-në.

Punëtoria: “Fëmijëri pa keqtrajtime”

Më 26 shkurt, Ambasada e parë për fëmijë “Megjashi” organizoi punëtorinë e titulluar “Fëmijëri pa keqtrajtime – drejt një sistemi më të mirë për mbrojtjen e fëmijëve, në Europën Lindore”. Punëtoria është pjesë e projektit "Ndërtimi i kulturës për mbrojtjen e fëmijëve" dhe financohet në suaza të projektit vendor 2007, të bazuar në skemën përkrahëse të Instrumentit Europian për Demokraci dhe të Drejta të Njeriut (EIDHR).

Konkursi i pagëzuar “Shprehuni përmes mediave” i paraparaë për maturantët e shkollave të mesme, filloi më 24 shkurt në Qendrën Informative të UE-së në Shkup. Konkursin e organizon Shkolla për Gazetari dhe Marrëdhënie me Publikun dhe financohet nga Misioni i Unionit Europian.

Dita e pranverës në Europë 2009

Në Qendrën Informative të UE-së në Shkup, të hënën më 16 shkurt 2009, ekipi organizativ i “Ditës së pranverës në Europë 2009” mbajti një konferencë për shtyp, në të cilën anonçoi fillimin e aktiviteteve të këtij viti.
   

Ekspozita e karikaturave - ANTE PORTAS

Të hënën, më 16 shkurt 2009, në ora 12:00, në Qendrën Informative të UE-së u hap ekspozita e karikaturave me tematikë të UE-së “ANTE PORTAS”. Ekspozita është projekt individual i artistit të shquar z. Delço Mihajlov, në të cilën morën pjesë 40 autorë nga 4 vende të rajonit.   

Çmimi Gazetaresk Europian për të Rinj 2009

Drejtoria Gjenerale për Zgjerim e Komisionit Europian, në bashkëpunim me shoqatën Rinore Europiane për Shtyp dhe kafenenë Babel, sot shpallën fillimin e Çmimit të dytë me radhë Gazetaresk Europian për të Rinj 2009. Ky shpërblim u ofron gzetarëve të rinj ambiciozë, të moshës 17 – 35 nga gjithë Europa, të pasqyrojnë dhe të shprehin qëndrimet e tyre mbi Europën dhe zgjerimin e Unionit Europian.  

Takimi i katërt vjetor i shoqërisë civile

Më 4 shkurt, në Qendrën Informative të UE-së, Misioni i UE-së në Shkup organizoi takimin e katërt vjetor të shoqërisë civile.

Qëllimi i këtij evenimenti ishte të inkurajohet diskutimi lidhur me bashkëpunimin midis Unionit europian dhe sektorit të shoqërisë civile.  

Nxënësit e shkollës fillore "11 Tetori” vizituan Qendrën Informative të UE-së

Më 30 janar, Qendra Informative e UE-së organizoi një prezantim mbi UE-në për nxënësit e shkollës fillore “11 Tetori” në Shkup.

Qendra Informative e UE-së i hapi dyert e veta për studentët e shkollave fillore dhe të mesme, si dhe për studentët universitarë. Qëllimi është të krijohet komunikimi i rregullt dhe të shtohet njohuria ombi çështjet e UE-së, përmes kontaktit të drejtpërsëdrejtë. 

Panel debatues me titull - “Si ta bëjmë internetin vend më të sigurtë”

Me rastin e kremtimit të Ditës të Internetit më të Sigurtë 2009, Qendra Informative e UE-së në Shkup do të organizojë debatin e titulluar “Si ta bëjmë internetin vend më të sigurtë”.

Paneli debatues do të mbahet në Qendrën Informative të UE-së (Mito Haxhivasilev Jasmin 52v) më 11 shkurt 2008, në ora 12.00. Ftohen përfaqësuesit e mediave të marrin pjesë dhe të raportojnë mbi debatin.

Dita Europiane e mbrojtjes të të dhënave: Prezantimi i Udhëzimeve për mbrojtjen e të dhënave personale të studentëve

Me rastin e Ditës Europiane të Mbrojtjes të të Dhënave, më 28 janar, në Qendrën Informative të UE-së, Drejtoria e mbrojtjes të të dhënave personale prezantoi Udhëzuesin për mbrojtjen e të dhënave personale të studentëve.

Pjesëmarrësve iu drejtuan: Patrik PAKE, Shef i Sektorit Politik dhe Informativ në Misionin e Unionit Europian, Marijana MARUSHIQ, Drejtoreshë e Drejtorisë për Mbrojtjen e të Dhënave Personale, Gjorgji JOVANOVSKI, Drejtor i Zyrës Informative të Këshillit të Europës dhe Elena STOJANOVSKA, Këshilltare për Bashkëpunim Ndërkombëtar dhe Marrëdhënie Publike në Drejtorinë për mbrojtjen e të dhënave personale.  

Fëmijët e shfaqjes “Super Star” vizituan Qendrën Informative të UE-së

Më 15 janar, fëmijët e shfaqjes televizive “Super Star”, e cila rregullisht transmetohet në një nga kanalet televizive nacionale, vizituan Qendrën Informative të UE-së. Shfaqja ka elemente edukative dhe kjo epizodë iu dedikua punës së Qendrës Informative të UE-së.

Fëmijët u takuan me Ambasadorin Ervan FUERE, si dhe me të punësuarit e tjerë të Qendrës Informative të UE-së.

Në Qendrën Informative të UE-së u mbajt konferenca për shtyp që përqëndrohej në dorëzimin e presidencës të UE-së nga Franca në Republikën Çeke

Me rastin e dorëzimit të presidencës franceze të Unionit Europian në atë të Republikës Çeke, në Qendrën Informative të UE-së, më 14 janar, u mbajt konferencë për shtyp.
 
 

Studentët e shkollës fillore "Ljuben Lape” vizituan Qendrën Informative të UE-së

Më 19 dhjetor, Qendra Informative e UE-së, organizoi ligjëratë për nxënësit e klasës së tretë të shkollës fillore “Luben Lape” nëShkup.
 

Projektimi i filmit “Kosova – Vija Shpëtimtare” në Qendrën Informative të UE-së

Më 18 dhjetor, në Qendrën Informative të UE-së në Shkup u organizua ekranizimi i filmit "Kosova – Vija Shpëtimtare".

Filmi është pjesë e projektit televiziv "Kthehu në Europë", një seri prej 10 emisionesh dokumentare televizive, me kohëzgjatje prej një ore, për vendet dhe qyetetet e Ballkanit. Ky serial fitoi çmimin Erasmus Euro Media 2008.

Promovimi i Ciceronit për Programin Kulturor 2007 – 2013

Verzioni maqedonisht i Ciceronit për Programin Kulturor 2007 – 2013, u promovua nga Ministresha e Kulturës Elizabeta KANÇESKA – MILEVSKA dhe Ambasadori Ervan FUERE, më 18 dhjetor, në Qendrën Informative të UE-së në Shkup.

Alek Aleksandar Jankoviq, fitues i konkursit “Yjet e vogla të UE-së” për vizatim më të mirë

Më 17 nëntor, Ambasadori Ervan FUERE, Përfaqësues Special i UE-së dhe Shef i Delegacionit të Komisionit Europian, shpalli fituesit e konkursit “Yjet e vogla të UE-së” për vizatim më të mirë, të titulluar: “UE-ja pret Vitin e Ri”, i cili u organizua nga Qendra Informative e UE-së.

Çmimi i parë i takoi Alek Aleksandar JANKOVIQ, nxënës i klasës së pestë të shkollës fillore “Koço Racin”. Vizatimi i Stefanija BLAZHEVSKËS nga shkolla fillore “Dimitar Milladinov” mori vendin e dytë kurse Irina NIKOVSKA nga shkolla fillore “Shën Kirili dhe Metodi” ishte e treta.

Frosina Pandurska, fituese e Konkursit për Çmimin Gazetaresk "Zhan Mone 08"

Më 15 dhjetor, Misioni i Unionit Europian shpalli fituesin e Konkursit për Çmim Gazetaresk “Zhan Mone ‘08”. Tema e konkursit të sivjetshëm ishte “Dialogu ndërkulturor”, temë kjo, e zgjedhur pas shpalljes së vitit Europian të Dialogut Ndërkulturor 2008 (www.interculturaldialogue2008.eu).

Frosina Pandurska, gazetare e TV Alsat – M, fitoi çmimin me tregimin televiziv mbi dialogun ndërkulturor në vend. Këtë vit, juria vendosi të shpërblejë televizionin Alsat – M me “Çertifikatë falemnderimi” për kontributin e tyre në dialogun ndërkulturor.

Dita Ndërkombëtare e të Drejtave të Njeriut dhe Përvjetori i 60-të i Deklaratës Univerzale të të Drejtave të Njeriut u shënua me disa ngjarje

Më 10 dhjetor u festua Dita Ndërkombëtare e të Drejtave të Njeriut. Misioni i Unionit Europian në Shkup, në bashkëpunim me Ekipin Vendor të Kombeve të Bashkuara dhe Këshillin e Europës, organizuan një varg ngjarjesh për të shënuar Përvjetorin e 60-të të Deklaratës Universale të të Drejtave të Njeriut, në Qendrën Informative të UE-së.

Festivali Europian i Filmit CinEd@ys ’08 – nga 12 deri më 19 dhjetor

Edicioni i shtatë i Festivalit Europian të Filmit “CinEd@ys ‘08”, i financuar nga Misioni i Unionit Europian do të mbahet nga 12 deri më 19 dhjetor, në kinematë Milenium dhe Frosina, në Shkup. Nën moton “Shikoni filma” , festivali i sivjetshëm CinEd@ys, i sjell publikut gjithsej 37 filma nga vendet e Europës, të cilat do të ekranizohen në 40 shfaqje.

Shpërblimi gazetaresk ‘Zhan Mone’ 2008 do të shpallet më 15 dhjetor

Më 15 dhjetor, Misioni i UE-së do të shpallë fituesin e edicionit të gjashtë të konkursit vjetor ‘Zhan Mone’, për materialet më të mira gazetareske lidhur me çështje që kanë të bëjnë me UE-në. 
 

Shënimi i Ditës Ndërkombëtare të të Drejtave të Njeriut

Të mërkurën, më 10 dhjetor, Misioni i Unionit Europian n���� Shkup, në bashkëpunim me Ekipin Vendor të Kombeve të Bashkuara dhe Këshillin Europian do të organizojnë një varg evenimente për kremtimin e përvjetorit 60 të Deklaratës Universale për të Drejta të Njeriut (UDHR). Evenimentet do të marrin pjesë në Qendrën Informative të UE-së, duke filluar nga ora 9:00 deri në 19:00.
 

Studentët e “Gjimnazit të Pestë Privat” vizituan Qendrën Informative të UE-së

Studentët e “Gjimnazit të Pestë Privat” vizituan Qendrën Informative të Unionit Europian në Shkup, më 28 nëntor.

Studentët morën pjesë në prezantimin e historisë së Unionit Europian, institucioneve të tij dhe mbi mundësitë e ofruara për të rinjtë. Pas ligjëratës, ata morën pjesë në seancën Pyetje dhe Përgjigje dhe në Kuizin e shkurtër mbi UE-në.

Tryeza e rrumbullakët “Komunikimi i Europës” i mbajtur në Qendrën Informative të UE-së

Më 19 nëntor, në Qendrën Informative të UE-së në Shkup u organizua tryeza e rrumbullaktë “Komunikimi i Europës”, si pjesë e aktiviteteve të muajit inaugurues.

Tryeza e rrumbullaktë ka për qëllim analizimin e përvojave më të mira në njohtimin e qytetarëve të Maqedonisë me Unionin Europian, me anë të identifikimit të sfidave kryesore që pasojnë dhe përpilimin e qasjeve të suksesshme në të ardhmen.
 

Prezantimi i filmit dhe debatit mbi “Zhvillimin e materialeve Inteligjente”

Më 14 nëntor, Qendra Informative e UE-së në Shkup, organizoi prezantimin e filmit të shkurtër “Zhvillimi i materialeve Inteligjente” për studentët e fakulteteve të artit, disejnit dhe tekstilit në ish Republikën Jugosllave të Maqedonisë. Pas prezantimit të filmit pasoi debate mbi trendet europiane në zhvillimin dhe përdorimin e materialeve inovative në industrinë e tekstilit. (2009 është viti Europian i Kreativitetit dhe Inovacionit. Për më tepër informata, vizito ueb faqen në vijim:

Prezantimi dhe konsultimi me organizatat e Shoqërisë Civile, përfaqësuesit qeveritarë dhe donatorët lidhur me Programin lehtësues IPA

Më 12 nëntor, Misioni i Unionit Europian në Shkup organizoi prezantimin dhe konsultimin me organizatat e shoqërisë civile, përfaqësuesit qeveritarë dhe donatorët, lidhur me Instrumentin Para-anëtarësues (IPA).

Konferenca për shtyp lidhur me Punëtorinë e issemination

Më 12 nëntor, Misioni i Unionit Europian dhe Agjencia Europiane për Rindërtim organizuan një konferencë për shtyp mbi mësimet më të mira, të fituara nga implementimi i programve të UE-së për ndihmë, përmes Agjencisë Europiane për Rindërtim.

 

Debati “Artet dhe dialogu ndërkulturor” u mbajt në Qendrën Informative të UE-së

Muaji i inaugurimit të Qendrës Informative të UE-së Nxënësit e shkollës së mesme të Shkupit "Josip Broz Tito” vizituan Qendrën Informative të UE-së

Më 7 nëntor, nxënësit e shkollës së mesme "Josip Broz Tito" në Shkup, vizituan Qendrën Informative të Unionit Europian.

Raporti i Progresit 2008 iu prezantua përfaqësuesve të shoqërisë civile

Më 6 nëntor, Misioni i Unionit Europian në Shkup, organizoi prezantimin e Raportit të Progresit 2008 për ish Republikën Jugosllave të Maqedonisë dhe dokumentin vjetor ”Strategjia e Zgjerimit dhe Sfidat Kryesore 2008-2009”. Prezantimi u mbajt para përfaqësuesve të shoqërisë civile.

Raporti i progresit 2008 u prezantua para komunitetit afarist

Më 6 nëntor, Misioni i Unionit Europian në Shkup, organizoi prezantimin e Raportit të Progresit 2008 për ish Republikën Jugosllave të Maqedonisë dhe dokumentin vjetor ”Strategjia e Zgjerimit dhe Sfidat Kryesore 2008-2009” para komunitetit afarist.

Konferenca e shtypit për Raportin e Progresit 2008 

Të mërkurën, më 5 nëntor, Misioni i Unionit Europian në Shkup mbajti Konferencën për Shtyp, gjatë të cilës anonçoi Raportin e Progresit 2008 për ish Republikën Jugosllave të Maqedonisë dhe dokumentin vjetor ”Strategjia e Zgjerimit dhe Sfidat Kryesore 2008-2009” lidhur me politikën e UE-së për zgjerim.

Prezantimi i Programit Erasmus Mundus

Më 4 nëntor, Qendra Informative e UE-së në Shkup, organizoi prezantimin mbi programin Erasmus Mundus për grupet në vijim: studentët, hulumtuesit, personelin universitar dhe akademik.

Ky prezantim u organizua me rastin e hapjes zyrtare të Qendrës së re Informative të UE-së dhe si pjesë e aktiviteteve të Muajit Inaugurues të kësaj qendre.

Fëmijët vizatuan në temën e UE-së dhe Vitit të Ri

Më 3 nëntor, njëmbëdhjetë fëmijë të talentuar nga 5 shkolla të Komunës Qendër të SHkupit, të cilët vizituan Qendrën Informative të UE-së në suaza të aktivitetit “Dyer të hapura për nxënësit”, morën pjesë në punëtorinë “Yjet e vogla të UE-së” dhe vizatuan në temën e UE-së dhe Vitit të Ri.
Kjo punëtori u organizua me rastin e hapjes zyrtare të Qendrës Informative të UE-së, si pjesë e aktiviteteve të Muajit Inaugurues. 

Ambasadori Fuere uroi mirëseardhjen e qytetarëve në Qendrën Informative të UE-së

Më 31 tetor, nxënësit e shkollës fillore "Goce Delçev" vizituan Qendrën Informative të UE-së. Me rastin e hapjes zyrtare të kësaj qendre dhe aktiviteteve të saj gjatë Muajit Inaugurues. Qendra Informative e Delegacionit të Komisionit Europian në Shkup, organizoi “Ditën e hapur me Ambasadorin Ervan Fuere”.

+ lexo më tepër

U HAP EKSPOZITA “MOMENTET E UE-SË – OKULARI I ZGJERUAR”

Sot, në Qendrën Informative të UE-së, Ambasadori Ervan Fuere, Përfaqësuesi Special i UE-së dhe Shef i Delegacionit të Komisionit Europian, zyrtarish hapi Ekspozitën e fotografive të foto-reporterëve lokalë, të titulluar: "Momentet e UE-së– okulari i zgjeruar". Kjo është një nga ekspozitat e shumta me temë të njejtë, e cila do të jetë e hapur gjatë tre javëve të ardhshme në zyrat e Qendrës Informative të UE-së.