Dita e Europës 2010 dhe 60 vjetori i Deklaratës së Shumanit u kremtuan me 35 evenimente që u mbajtën në periudhën prej 27 prillit deri më 27 maj. Në kremtim ishin të përfshira aktivitete të ndryshme dhe partnerë, të cilët u shpallën në konferencën speciale për shtyp, e cila u mbajt në Qendrën Informative të UE-së më 23 prill 2010.

Ngjarja kryesore e dedikuar për publikun e gjerë ishte Hepeningu Europian, i cili sivjet u mbajt në Strugë (7 maj). Nxënësit maqedonas, shqiptarë dhe turq në Strugë, prezantuan UE-në dhe kulturat e Shteteve Anëtare të UE-së përmes materialeve promovuese nga ambasadat dhe me anë të kreacioneve të tyre personale të prezantuara në stenda të ndryshme. Rreth 2000 spektatorë kishin mundësi të dëgjojnë performancat e grupeve dhe këngëtarëve të njohur. 

Gjatë muajit maj do të organizohen një varg evenimente, që do të shënojnë Ditën e Europës - 9 maj 2010. Këtë vit, Bashkimi Europian kremton përvjetorin e 60-të të Deklaratës së Shumanit, e cila për herë të parë u prezantua për shtypin ndërkombëtar më 9 maj 1950.

Dita e Europës do të kremtohet në mënyra të ndryshme – Delegacioni i Bashkimit Europian, në bashkëpunim me disa partnerë lokalë, do të organizojë mbi 30 ngjarje, përfshirë edhe hepeningun multimedial, debatet, ligjëratat, konkurset, festivalet, koncertet dhe maratonin tradicional të Shkupit.

Rreth 40 nxënës nga shkolla e mesme për hotelieri dhe turizëm “Llazar Tanev” nga Shkupi më 18 mars, në Qendrën Informative të BE-së morrën pjesë në ligjeratë për historiatin dhe institucionet e BE-së, si edhe për mundësitë për të rinjët.

Pas ligjeratës, ata morrën pjesë në seancën e pyetjeve dhe përgjigjjeve dhe në kuizin e shkurtër mbi BE-në. Kjo vizitë ishte pjesë e aktiviteteve të titulluar “Dyert e hapura për nxënësit”.

PYETJE – FAKS, TELEFON, E-MAIL

QASJA E LIRË NË INTERNET

BIBLIOTEKA

EUROPA PËRMES SATELITIT

NGJARJET

PROGRAMI PËR STAZH NË QENDRËN INFORMATIVE TË BE-SË