Delegacioni i Komisionit Europian në vitin 2003, formoi një rrjet të Pikave Informative të UE-së, të cilat janë të vendosura në disa qytete në tërë vendin.
Shtatë Pikat Informative të UE-së u hapën në suaza të Qendrave Informative Qytetare, në komunat e e Manastirit, Gostivarit, Kavadarcit, Koçanit, Kumanovës, Tetovës dhe Velesit.
Objektiva e tyre kryesore është të shërbejnë si një vend ku qytetarët do të mësojnë mbi funksionimin e Unionit Europian, institucionet, politikën dhe programet e Unionit si dhe mbi zhvillimin e marrëdhënieve midis UE-së dhe ish Republikës Jugosllave të Maqedonisë.
Pikat Informative ofrojnë qasje pa pagesë në botimet mbi UE-në, qasje pa pagesë në ueb faqet Europa, si dhe shansën e pjesëmarrjes në takime ku diskutohen tema lidhur me UE-në, të cilat janë në interes të qytetarëve.

Pika Informative të UE-së kanë disa aktivitete specifike:
Organizimin e aktiviteteve arsimore (takimet me nxënës, diskutimet mbi tema të caktuara në qendra/shkolla, mundësitë për bursa, etj.);

Organizimin e debateve, tryezave të rrumbullakta me përfaqësuesit nga Shtetet Anëtare, përfaqësuesit e shteteve kandidate, ekspertët nga vendi;

Themelimin e bashkëpunimit me qytetarët, OJQ-të, institucionet, sektorin privat, etj., përmes sigurimit të qasjes në informatat mbi UE-në (qasja në Internet, qasja në bazën e të dhënave, në e-mail, në takime);

Themelimin e kontakteve dhe këmbimit të përvojave me Pikat/Qendrat Informative më vendet e tjera që kanë aspirata për anëtarësim në UE;

Bashkëpunimin me mediat lokale, për sigurimin e informatave të sakta mbi Misionin e UE-së në Shkup dhe aktivitetet që Shtetet Anëtarë të UE-së i kanë implementuar në vend.