30 јануари 2009

Учениците од основното училиште "11 Октомври” го посетија ЕУ Инфо центарот

На 30 јануари, ЕУ Инфо центарот организираше презентација за ЕУ за осмо-одделенците од основното училиште “11 Октомври” во Скопје.

ЕУ Инфо центарот ги отвори своите врати за учениците од основните и средните училишта, како и за студентите од универзитетите. Целта е да се воспостави редовна комуникација и да се продлабочи знаењето за прашања поврзани со ЕУ преку директен контакт.

Долгорочната цел на активноста насловена “Отворени врати за студентите” е да се обезбедат информации и да се поттикне комуникацијата со младите луѓе.

Вработените во ЕУ Инфо центарот направија мала презентација, прилагодена на возраста на учениците, во врска со историјатот на Европската Унија, институциите и симболите, вклучувајќи го знамето, химната и мотото, како и за заедничките достигнувања на европските народи.
По предавањето, тие учествуваа во сесијата Прашања&Одговори и во краткиот квиз за ЕУ.