4 февруари 2009

Четврта годишна средба на граѓанското општество

На 4 февруари, Мисијата на ЕУ во Скопје ја организираше четвртата средба на граѓанското општество во ЕУ Инфо центарот.

Целта на овој настан беше да се поттикне дебата за соработката помеѓу Европската Унија и секторот граѓанско општество.
На овој настан беа презентирани десетте проекти кои добија грантови во рамките на поддршката базирана во земјата на Европскиот инструмент за демократија и човекови права (ЕИДХР).

Претставниците на граѓанското општество беа информирани за отпочнувањето на Повикот за предлози за 2008 на ЕИДХР, како и за другите можности за финансирање во рамките на Инструментот за претпристапна помош, Програми на заедницата итн.

Главната цел на Европскиот инструмент за демократија и човекови права (ЕИДХР) е да придонесе кон развојот и консолидирањето на демократијата и владеењето на правото, и почитувањето на човековите права и слободи во рамки на политиката на Заедницата за развојна соработка и економска, финансиска и техничка соработка со други земји.