8 февруари, 2010

Денови на информатичкото општество во ЕУ Инфо центарот

Од 9 до 26 февруари, Делегацијата на Европската Унија во ЕУ Инфо центарот ќе организира серија на настани насловени “Денови на информатичкото општество”, чија цел ќе биде да се подигне свеста за политиките и активностите на ЕУ во оваа област.

Настаните се поврзани со побезбедна употреба на интернетот, иницијативи за дигитализација на културното наследство и создавање на дигитални библиотеки, како и промоција на ИКТ истражувања и достапните фондови на ЕУ.

Денот на побезбеден интернет (9 февруари), ќе биде одбележан со предавање за учениците од повисоките одделенија во основните училишта.

Останатите настани се:

• На 11 февруари (среда), ќе се одржи панел дискусија на тема “Дигиталните библиотеки на ЕУ – иницијативи и локални перспективи за развој на дигитални копии на културното наследство”.



• На 16 февруари (четврток) ќе се одржи презентација на успешни приказни и панел дискусија на тема “Улогата на ЕУ за промоција на ИКТ истражувања и можностите за локални ИКТ истражувања во рамките на Седмата рамковна програма на ЕУ”.
  
  
• Заедно со Деновите на информатичкото општество,изложбата насловена “Европа и европјаните во дигиталната ера” ќе биде поставена во ЕУ Инфо центарот (од 9 до 26 февруари).