19 Mарт 2009

Учениците од средното училиште "Ѓорѓи Димитров” го посетија ЕУ Инфо центарот

Околу 40 ученици од средното училиште "Ѓорѓи Димитров " во Скопје го посетија ЕУ Инфо центарот во Скопје како дел од проектот “Oтворени врати за учениците”.

Учениците присуствуваа на презентација за историјатот на Европската Унија и нејзините институции, како и за можностите кои се отворени за учениците. По предавањето, тие учествуваа во сесија за прашања и одговори, и краток квиз за ЕУ.

ЕУ Инфо центарот ги отвори вратите за учениците од основните и средните училишта, како и за универзитетските студенти. Целта е да се воспостави редовна комуникација, и да се продлабочи знаењето за прашања кои се однесуваат на ЕУ преку директен контакт. Долгорочниот пристап на активноста насловена “Oтворени врати за студентите” е да се обезбедат информации и да се поттикне комуникацијата со младите. Во последните седум месеци, групи на ученици од петнаесетина училишта го посетија ЕУ Инфо центарот.