16 Декември, 2009

Ученици од ОУ "Јохан Хајнрих ПЕСТАЛОЦИ” го посетија ЕУ Инфо центарот

На 16 декември, ЕУ Инфо центарот организираше презентација за ЕУ за учениците од седмо и осмо оделение од ОУ “Јохан Хајнрих ПЕСТАЛОЦИ” од Скопје.

Вработените во ЕУ Инфо центарот направија кратка PowerPoint презентација за историјатот на Европската Унија, институциите и симболи, вклучутелно и за знамето, химната и мотото, како и за заедничките достигнувања на европските народи. По предавањето, тие учествуваа во сесијата за прашања и одговори и краток квиз за ЕУ.

ЕУ Инфо центарот ги отвори своите врати за учениците од основните и средните училишта, како и за студентите од универзитетите. Целта е да се воспостави редовна комуникација и да го зголемат знаењето за прашања поврзани со ЕУ преку дирекни контакти. Долгорочната цел на активноста насловена “Отворени врати за учениците” е да се обезбедат информации и да се поттикне комуникацијата со младите.