На 4 јуни ЕУ Инфо центарот одржа презентација на тема ЕУ пред осмооделенците од основното училиште "Живко Брајковски" од Скопје. На ова предавање за историјата на ЕУ, нејзините институции, како и заедничките достигнувања на европските држави учествуваа околу 40 ученици. По предавањето, следуваше сесија на прашања и одговори и краток квиз за ЕУ.

Оваа активност е дел од една поширока програма насловена „Отворени врати за учениците“ која има за цел да понуди повеќе информации, да ја засили комуникацијата со младите и да го прошири знаењето за ЕУ преку директен контакт со учениците. ЕУ Инфо центарот ги отвори своите врати за учениците од основните и средните училишта, но исто така и за студентите. Над 30 основни и средни училишта од Скопје и други градови веќе го посетија ЕУ Инфо центарот и присуствуваа на програмата „Отворени врати за учениците“.

Во текот на месец мај, ќе бидат организирани серија на настани со кои ќе се одбележи Денот на Европа-9 мај 2010. Оваа година, Европската Унија ја одбележува 60 годишнината од Шумановата декларација, која за прв пат беше претставена на меѓународниот печат на 9 мај 1950.

Денот на Европа ќе се одбележи на повеќе начини – Делегацијата на Европската Унија, во соработка со одреден број на локални партнери ќе организира преку 30 настани, меѓу кои и мултиетнички хепенинг, дебати, предавања, натпревари, фестивали, концерти и традиционалниот Скопски маратон.

На 01 април, ЕУ Инфо центарот и ЕУ Инфо точката од Гостивар организираа предавање за ЕУ за ученици од седмо и осмо оделение од следните основи училишта од Гостивар: “Мустафа Кемал Ататурк”, “Исмаил Ќемаили” и ”Гоце Делчев”.

На 9 март ЕУ Инфо центарот организираше панел дискусија за “Информациски и комуникациски технологии за јавните услуги” со цел да се споделат најдобрите искуства и практики на ЕУ во оваа област. Покрај тоа, намерата на оваа панел дискусија беше да ги охрабри идните национални дискусии и неопходните активности во врска со употребата на ИКТ за јавните услуги.

На 25 февруари, ЕУ Инфо центарот и ЕУ инфо точката од Велес организираа предавања за ученици од седмо и осмо одделение од следните основи училишта од Кочани: “Никола Карев”, “Св. Кирилл и Методиј”, “Раде Кратовче” и “Малина Поп Иванова”.

Околу 60 ученици од 6 основни училишта од Скопје на 6 февруари во ЕУ Инфо центарот присуствуваа на предавање за побезбедна употреба на интернетот. Настанот беше организиран со цел да се одбележат Деновите на побезбеден интернет, под годинешното мото “Размисли пред да постираш”. Предавањето исто така е дел од серијата настани насловени “Денови на информатичко општество” кои се одржуваат од 9 до 26 февруари.

Од 9 до 26 февруари, Делегацијата на Европската Унија во ЕУ Инфо центарот ќе организира серија на настани насловени “Денови на информатичкото општество”, чија цел ќе биде да се подигне свеста за политиките и активностите на ЕУ во оваа област.

Настаните се поврзани со побезбедна употреба на интернетот, иницијативи за дигитализација на културното наследство и создавање на дигитални библиотеки, како и промоција на ИКТ истражувања и достапните фондови на ЕУ.

На 22 јануари, ЕУ Инфо центарот и ЕУ инфо точката од Велес организираа предавање за ученици од седмо и осмо оделение од пет училишта од Велес.
Околу 100 ученици од основните училишта “Св. Кирил и Методи”, “Благој Кирков”, “Васил Главинов”, “Јордан Х. Џинот” и “Блаже Коневски” присуствуваа на предавање поврзано со историјата на ЕУ, нејзините институции, како и заедничките достигнувања на европските нации. По предавањето, тие имаа сесија на прашања и одговори и краток квиз за ЕУ.

На 22 декември, ЕУ Инфо центарот беше домаќин на учениците од ОУ "Глигор Прличев".

Учениците од седмо и осмо оделение присуствуваа на предавање за историјатот на ЕУ и нејзините институции, како и за можностите за децата на таа возраст. По предавањето, тие учествуваа во сесијата прашања и одговори, и краток квиз за ЕУ.

На 16 декември, ЕУ Инфо центарот организираше презентација за ЕУ за учениците од седмо и осмо оделение од ОУ “Јохан Хајнрих ПЕСТАЛОЦИ” од Скопје.

Вработените во ЕУ Инфо центарот направија кратка PowerPoint презентација за историјатот на Европската Унија, институциите и симболи, вклучутелно и за знамето, химната и мотото, како и за заедничките достигнувања на европските народи. По предавањето, тие учествуваа во сесијата за прашања и одговори и краток квиз за ЕУ.

Добитникот на наградата “Жан Моне” на конкурсот за новинари, објавена од Делегацијата на Европската Унија е Јосиф ЌУРЧИЕВ, поранешен новинар на Дојче Веле и колумнист на Утрински Весник. Тој ја освои наградата за најдобар новинарски труд за овогодинешната тема “Од падот на железната завеса во 1989 година до проширувањето во 2004 година” за серија на статии објавени во Утрински Весник.

Во четврток 10 декември, Делегацијата на Европската Унија во Скопје организираше серија настани со кои го одбележа Меѓународниот ден за човекови права при што се нагласува темата за антидискриминација. ЕУ го подржа проектот “Реновирање на Полициската станица – Кисела вода” што беше промовиран во Полициската станица „Кисела Вода“ од страна на Амбасадорот Ерван ФУЕРЕ, Специјален претставник на Европската Унија и Шеф на Делегацијата на Европската Унија и Г-ѓа Гордана ЈАНКУЛОВСКА, Министерка за внатрешни работи.

Во петок, 13 ноември, книгите „Гладта, автомобилот, пченицата и ние”, од Фабрике Миколино и “Генетски модифицираните организми кои го менуваат светот” од професорот Зил–Ерик Сералини беа промовирани во ЕУ Инфо Центарот, во рамките на Деновите на климатските промени. Исто така, ЕУ Инфо Центарот ја претстави брошурата „Борбата со климатските промени – ЕУ го предводи патот”, преведена на локалните јазици.

Околу 60 ученици од основните училишта од 9 од 10-те општини од Скопје присуствуваа на предавање за климатските промени, кое се одржана 3 ноември, во рамките на Деновите на климатските промени, во организацијана ЕУ Инфо центарот. На децата, исто така им беа прикажани и документарни филмови од аудио визуелниот сервис на ЕУ во врска со климатските промени.

Во пресрет на Самитот за климатски промени во Копенхаген 2009, Мисијата на ЕУ ќе организира серија на настани поврзани со намалувањето на емисијата на стакленички гасови и активностите за прилагодување на европските политики поврзани со реалноста на климатските промени.

ЕУ Инфо центарот во Скопје ја одбележа првата година од своето постоење – својот прв роденден, со прослава и мал коктел во своите простории на 20 октомври.

Во измината година, ЕУ Инфо центарот дејствуваше како постојан форум на Делегацијата и на други настани поврзани со ЕУ, кажа Амбасадорот Ерван ФУЕРЕ во оваа пригода.

На 15 октомври, Мисијата на Европската Унија во Скопје организираше средба со бизнис заедницата, на која беа презентирани “Стратегијата за проширување и главните предизвици за 2009-2010” и Извештајот за напредокот за 2009 за поранешна Југословенска Република Македонија.

На 15 октомври, Мисијата на Европската Унија во Скопје организираше презентација на годишниот документ “Стратегијата за проширување и главните предизвици за 2009-2010” и на Извештајот за напредок 2009 за поранешна Југословенска Република Македонија за претставниците на граѓанското општество.

На 28 септември, во ЕУ Инфо центаротбеше организирана промоција на Поимникот на терминологијата на ЕУ подготвен од страна на д-р. Тања КАРАКАМИШЕВА, професор на Правниот факултет “Јустинијан Први”, Скопје и магистер Вероника ЕФРЕМОВА. На присутните им се обратија авторите, Улрике МАРИА КНОТС, амбасадор на Федеративна Република Германија, Патрик ПAKE, прв секретар на Мисијата на ЕУ и д-р Васко НАУМОВСКИ, вицепремиер задолжен за ЕУ прашања, притоанагласувајќи го значењето за издавање на овој поимник.

На 28 септември, ЕУ Инфо центарот беше домаќин на Конференцијата за промоција на проекти за обнова на културното наследство- Процес Љубљана.. Конференцијата се одржа со цел да се промовираат проектите за културно наследство во рамките на “Процесот Љубљана”, кој што претставува заедничка програма на Европската Комисија и Советот на Европа. Конференцијата е организирана во рамките на Деновите на европското наследство, кои се одбележуваат во повеќе делови на земјата.

На 3 септември, Комесарот за образование, обука, култура и млади, Јан ФИГЕЛ беше во дводневна посета на Скопје, и учествуваше на отварањето на XIV издание на Биеналето за млади уметници од Европа и Медитеранот – Седум порти (3-12 септември 2009) на плоштадот на главниот град.

Комесарот за образование, обука, култура и млади Јан ФИГЕЛ, на 3 и 4 септември, ќе ја посети поранешната Југословенска Република Македонија.
При посетата, Kомесарот ќе се сретне со Претседателот на Владата Никола ГРУЕВСКИ, Заменик Претседателот на Владата задолжен за Евроинтеграции Васко НАУМОВСКИ, Министерот за образование и наука Никола ТОДОРОВ и Министерот за култура Елизабета КАНЧЕСКА-МИЛЕВСКА.

30-от Интернационален фестивал на филмска камера “Браќа Манаки” се отвори на 26 септември во Битола, со прикажувањето на британскиот филм, Милионерот од предградието, во режија на Дени Бојли (2008). 

На 31 август, во ЕУ Инфо центарот неколку невладини организации одржаа конференција за медиумите за заложбите за создавање на мрежа за заштита на правата на жртвите од мобинг.

На 15 јули, во ЕУ Инфо центарот во Скопје се одржа промоција на книгата ‘Европа на крстопат’од авторот Горан ИЛИЌ.
Книгата ја претставија Амбасадорот Ерван ФУЕРЕ и професорот Славејко САСАЈКОСКИ.

Долгите заложби на Европската Комисија за безвижен режим се потврдија денеска со усвојувањето на предлогот за доделување на безвизен режим за граѓаните на поранешна Југословенска Република Македонија, Србија и Црна Гора. Денешниот предлог им овозможува на граѓаните на овие три земји да патуваат во Шенген земјите¹ со новите биометриски пасоши. Предлогот на Комисијата треба да биде одобрен од Советот по консултации со Европскиот Парламент.Комисијата останува посветена на заложбите за визна либерализација, исто така и за граѓаните на Албанија и Босна и Херцеговина. Меѓутоа, овие земји сеуште не ги имаат исполнето условите за да бидат дел од денешниот предлог. Доколку темпото на реформи се одржи и доколку сите услови се исполнети, Комисијата може да даде нов предлог во кој ќе бидат вклучени и овие две земји кон средината на 2010.

На 07 јули, во ЕУ Инфо центарот се одржа прес конференција посветена на пренесувањето на претседателството со ЕУ од Чешката Република на Шведска.
Амбасадорот на Шведска Ларс ФРЕДЕН зборуваше за приоритетите во текот на следните шест месеци за време на претседателството на Шведска.

На 26 јуни, тркалезна маса насловена “Визната либерализација наспроти преговорите за влез во ЕУ“ беше организирана во ЕУ Инфо центарот во партнерство со НВО Инфо центарот и Македонскиот центар за европски обуки, како дел од проектот “Време е за ЕУ”.
 

На 2 јуни, беше отворена нова Инфо-точка на Европската Унија во Националната и Универзитетска библиотека “Св.Климент Охридски” во Скопје.
ЕУ Инфо точката беше официјално отворена од амбасадорот Ерван ФУЕРЕ и Ивица БОЦЕВСКИ, Заменик претседател на Владата за евроинтеграции.

На 2 јуни, во ЕУ Инфо центарот во Скопје беше отворена изложба на детски цртежи “Роботи на третиот милениум” која ќе биде поставена од 2 јуни до 23 јуни. Цртежите ги нацртаа ученици од 11 основни училишта од Скопје на креативната работилница која се одржа на 15 април како дел од Деновите на креативност и иновативност во ЕУ Инфо центарот.

На 17 мај, студентите од Правниот факултет на Универзитетот ФОН присуствуваа на предавање како дел од проектот “Отворени врати за студентите”, чија цел е информирање и поттикнување на комуникацијата со младите.
 

На 13 мај, околу 60 студенти по студии за бизнис од Универзитетот на Југоисточна Европа во Тетово го посетија ЕУ Инфо центарот како дел од активностите за Денот на Европа и Европскиот ден на претприемништвото.
 

По повод 5-годишнината од најголемото проширување на ЕУ и 20-годишнината од падот на Берлинскиот ѕид, Мисијата на Европската Унија организираше панел дискусија насловена: “Од падот на железната завеса во 1989 до проширувањето во 2004”. Настанот се одржа на 11 мај, во ЕУ Инфо центарот во Скопје во присуство на медиумите.

На 5 мај, Високата школа за медиуми и односи со јавност во соработка со ЕУ Инфо центарот при Делегацијата на Европската Комисија организираше свеченост за доделување награди за најдобар матурски проект од средните училишта насловен “Изрази се себеси преку медиумите”.
 

Во петок, 24 април, Мисијата на ЕУ во Скопје организираше прес конференција во ЕУ Инфо центарот, на која амбасадорот Ерван Фуере ги претстави активностите кои се предвидени за одбележување на Денот на Европа (9 мај) оваа година.
“Оваа година организираме многу настани ширум земјата за да се одбележи Денот на Европа, со цел да го доближиме процесот на европски интеграции поблиску до граѓаните”, рече амбасадорот Ерван ФУЕРЕ.

Како дел од Деновите на креативност и иновативност кои се одржуваат во ЕУ Инфо центарот во Скопје, изложба на наградени иновации од национални иноватори насловенa како “Креативност и иновативност во секојдневниот живот” беше отворена на 21 април. Четиринаесет иновации, наградени на разни меѓународни изложби ќе бидат изложени во ЕУ Инфо центарот до 5 мај.

На 16 април, Мисијата на Европската Унија организираше презентација на ЕУ 7-та Рамковна програма за истражување - FP7 – како дел од Деновите на креативност и иновативност, која се одржа во ЕУ Инфо центарот во Скопје. На презентацијата присуствуваа потенцијалните корисници на програмата, како што се академици, истражувачи, претставници на деловната заедница, граѓанското општество, јавната администрација, итн.

Како дел од Деновите на креативност и иновативност, ЕУ Инфо Центарот на Делегацијата на Европската Комисија ќе организира изложба на наградени иновации од домашни иноватори од 21 април до 5 мај.

Отворањето на изложбата ќе се одржи на 21 април во 19.00 часот во ЕУ Инфо Центарот.

На 15 април, група на ученици од 11 основни училишта од Скопје учествуваа на креативната работилница “Роботи на третиот милениум” организирана во ЕУ Инфо центарот како дел од Деновите на креативност и иновативност.
Учениците нацртаа цртежи кои ќе бидат изложени во ЕУ Инфо центарот, како дел од свеченостите по повод Денот на Европа кои ќе се одржат во месец мај.

По повод Денот на Европа, околу 120 ученици од училиштата од општина Центар на 6 април присуствуваа на предавање за историјатот на Европската Унија и нејзините институции, како и за можностите кои се отворени за младите луѓе.

15 април, 10.30: Cкреативна работилница каде група на деца ќе ги искажат своите иновативни ставови за роботите и ќе цртаат на тема “Роботи на третиот милениум”;
16 април, 11.00: Претставување на ЕУ 7-та Рамковна програма за истражување - FP7
21 април, 19.00: Свечено отворање на изложбата “Креативност и иновативност во секојдневниот живот”

На 2 април 2009, ЕУ Инфо центарот беше домаќин на настанот, со кој се одбележа 30 годишнината од Директивата на ЕУ за птици. На иницијатива на "Македонското еколошко друштво" беше организирана панел дискусија за да се промовира Директивата на ЕУ за заштита на диви птици (79/409/EEЗ), или генерално позната како Директива за птиц���� (2 април 1979).

Околу 30 ученици од средното медицинско училиште "Панче Караѓозов" од Скопје, на 1 април присуствуваа на предавање за историјатот на Европската Унија и нејзините институции, како и за можностите кои им се достапни на младите луѓе.

Делегација од одделот за комуникации и информации за Европската Унија на Министерството за надворешни работи на Финска и од регионалните информативни канцеларии го посети ЕУ Инфо Центарот.

Патрик Паке, шеф на политичкиот и информативен сектор ги инфоримираше посетителите за најновите збиднувања во земјата во процесот на интегрирање во ЕУ и зборуваше за активностите за Делегацијата на Европската Комисија за информирање и комуникација со граѓаните.
 

Околу 40 ученици од средното училиште "Ѓорѓи Димитров " во Скопје го посетија ЕУ Инфо центарот во Скопје како дел од проектот “Oтворени врати за учениците”.
Учениците присуствуваа на презентација за историјатот на Европската Унија и нејзините институции, како и за можностите кои се отворени за учениците. По предавањето, тие учествуваа во сесија за прашања и одговори, и краток квиз за ЕУ.

Учениците од државната гимназија и градежното средно училиште "Здравко Цветковски" во Скопје, го посетија ЕУ Инфо центарот во Скопје на 12 март.

Учениците присуствуваа на презентација за историјатот на Европската Унија и нејзините институции, како и за можностите кои се отворени за учениците. По предавањето, тие учествуваа во сесија за прашања и одговори, и краток квиз за ЕУ.

Учениците од средното училиште "Илија Николовски-Луј” од Скопје го посетија ЕУ Инфо центарот

Учениците од државниот музички и балетски центар "Илија Николовски-Луј" во Скопје, на 4 февруари го посетија Информативниот центар на Европската Унија во Скопје.

Учениците ја проследија презентацијата за историјатот на Европската Унија и нејзините институции, како и за можностите кои им се на располагање на учениците. По предавањето, тие учествуваат во сесијата Прашања и одговори, и краток квиз за ЕУ.   

Работилница - “Детство без злоупотреба”

На 26 февруари, Првата детска амбасада “Меѓаши” организираше работилница насловена “Детство без злоупотреба – за подобар систем на детска заштита во источна Европа”. Работилницата е дел од проектот "Градење на култура за детска заштита" која е финансирана во рамките на поддршката базирана во земјата 2007 на Европскиот инструмент за демократија и човекови права (ЕИДХР).   

Конкурсот насловен “Изрази се преку медиумите” , кој е наменет за матурантите од средните училишта, беше отворен на 24 февруари во ЕУ Инфо центарот во Скопје. Овој конкурс е во организација на Школата за новинарство и односи со јавност, а е поддржан од Мисијата на Европската Унија.

Ден на пролетта во Европа 2009

Во понеделник, 16 февруари 2009, организацискиот тим на “Пролетен ден во Европа 2009” одржа прес конференција во ЕУ Инфоцентарот, со која го објави почетокот на активностите за оваа година.
   

Изложба на карикатури – АНТЕ ПОРТАС

Во понеделник, на 16 февруари 2009, во 12:00 часот, во ЕУ Инфо центарот беше поставена изложбата на карикатури кои се однесуваат на ЕУ - “АНТЕ ПОРТАС”. Оваа изложба претставува индивидуален проект на истакнатиот карикатурист Делчо Михајлов, со учество на 40 автори од 4 земји во регионот.   

Европска награда за млад новинар 2009

Г��н��ралниот директорат за п��ување при Ев����опската комисија, во соработка со Европската младинска прес асоцијација и кафулето Бабел, денеска го објавија отпочнувањето на втората по ред европска награда за млад новинар 2009. Оваа разновидна награда на новинарите на возраст од 17-35 од цела Европа им овозможува да размислуваат и да ги искажат своите гледишта за Европа и проширувањето на Европската Унија.  

Четврта годишна средба на граѓанското општество

На 4 февруари, Мисијата на ЕУ во Скопје ја организираше четвртата средба на граѓанското општество во ЕУ Инфо центарот.

Целта на овој настан беше да се поттикне дебата за соработката помеѓу Европската Унија и секторот граѓанско општество.  

Учениците од основното училиште "11 Октомври” го посетија ЕУ Инфо центарот

На 30 јануари, ЕУ Инфо центарот организираше презентација за ЕУ за осмо-одделенците од основното училиште “11 Октомври” во Скопје.
 
ЕУ Инфо центарот ги отвори своите врати за учениците од основните и средните училишта, како и за студентите од универзитетите. Целта е да се воспостави редовна комуникација и да се продлабочи знаењето за прашања поврзани со ЕУ преку директен контакт. 

Панел дискусија - “Како да го направиме интернетот побезбедно место”

По повод прославувањето на Денот на побезбеден интернет, ЕУ Инфо центарот во Скопје ќе организира панел дискусија на тема “Како да го направиме интернетот побезбедно место”.

Панел дискусијата ќе се одржи во ЕУ Инфо центарот (Мито Хаџивасилев Јасмин 52в) на 11 февруари 2008 во 12.00 часот. Претставниците на медиумите се покануваат да учествуваат и да известуваат за панел дискусијата.  

Европски ден на заштита на податоците: Презентација на упатствата за заштита на приватноста на студентите

По повод Европскиот ден за заштита на податоците, на 28 јануари, Дирекцијата за заштита на личните податоци ги презентираше Упатствата за заштита на приватноста на студентите во ЕУ Инфо центарот.

На присутните им се обратија: Патрик ПАКЕ, раководител на политичкиот и информативен оддел во Мисијата на Европската Унија, Маријана МАРУШИЌ, директор на Дирекцијата за заштита на личните податоци, Ѓорѓи ЈОВАНОВСКИ, директор на канцеларијата за информации во Советот на Европа и Елена СТОЈАНОВСКА, советник за меѓународна соработка и односи со јавноста во Дирекцијата за заштита на личните податоци.  

Децата од емисијата “Супер звезда” го посетија ЕУ Инфо Центарот

На 15 јануари, децата од емисијата “Супер звезда”, која редовно се прикажува на еден од националните ТВ канали, го посетија ЕУ Инфо Центарот. Емисијата има едукативни елементи, a оваа епизода беше посветена на работата на ЕУ Инфо Центарот.

Децата се сретнаа со амбасадорот Ерван ФУЕРЕ и со вработените во ЕУ Инфо Центарот.

Конференција за печат по повод префрлањето на претседателството со Европската Унија од Република Франција на Република Чешка

На 14 јануари, во просториите на ЕУ Инфо Центарот, се одржа конференција за печат по повод префрлањето на претседателството со Европската Унија од Република Франција на Република Чешка.
 
 

УЧЕНИЦИТЕ ОД ОСНОВНОТО УЧИЛИШТЕ "ЉУБЕН ЛАПЕ” ГО ПОСЕТИЈА ИНФО ЦЕНТАРОТ НА ЕУ

На 19 декември, Инфо Центарот на ЕУ организираше предавање за учениците во трето одделение од основното училиште “Љубен Лапе” во Скопје.
 

ПРОЕКЦИЈА НА ФИЛМОТ “KOSOVO – CUTTING THE LIFELINE” ВО ИНФО ЦЕНТАРОТ НА ЕУ

На 18 декември, во Инфо Центарот на ЕУ беше организирано прикажувањето на филмот "Kosovo – Cutting the lifeline".

Филмот е дел од ТВ проектот "Враќање во Европа", серија од 10 едночасовни ТВ документарци на кои се прикажуваат земјите и градовите на Балканот, кој е добитник на 2008 Еразмус Евро Медиумската награда.

ПРОМОЦИЈА НА ВОДИЧОТ ЗА ПРОГРАМАТА ЗА КУЛТУРА 2007 – 2013

Верзијата на македонски јазик на Водичот за Програмата за култура 2007 – 2013 беше промовиран од министерката за култура Елизабета КАНЧЕСКА – МИЛЕВСКА и амбасадорот Ерван ФУЕРЕ на 18 Декември, во Инфо Центарот на ЕУ во Скопје.
 

АЛЕК АЛеКСАНДАР ЈАНКОВИЌ ПОБЕДНИК НА КОНКУРСОТ ЗА НАЈДОБАР ЦРТЕЖ “ЕУ МАЛИ ЗВЕЗДИЧКИ”

На 17 декември, амбасадорот Ерван ФУЕРЕ, специјален претставник на ЕУ и шеф на Делегацијата на Европската Комисија ги прогласи победниците на конкурсот за најдобар цртеж “EУ Мали Звездички” на тема: “ЕУ ја дочекува новата година”, во организација на Инфо Центарот на ЕУ.

Првата награда ја освои Алек Александар ЈАНКОВИЌ, ученик во петто одделение во основното училиште “Кочо Рацин”. Цртежот на Стефанија БЛАЖЕВСКА од основното училиште “Димитар Миладинов” ја освои втората награда, и цртежот на Ирина НИКОВСКА од основното училиште “Св. Кирил и Методиј” ја освои третата награда.

ФРОСИНА ПАНДУРСКА ДОБИТНИК НА НАГРАДАТА "ЖАН МОНЕ 08" НА КОНКУРСОТ ЗА НОВИНАРСКИ ТРУД

На 15 декември, Мисијата на Европската Унија го објави добитникот на наградата “Жан Моне ‘08” на конкурсот за новинарски труд. Темата на овогодинешниот конкурс беше “Меѓукултурниот дијалог”, а беше избрана бидејќи 2008 е прогласена за европска година на меѓукултурниот дијалог (www.interculturaldialogue2008.eu) 

Фросина Пандурска, новинар во ТВ Алсат– M е добитник на наградата за ТВ сторија за меѓулултурниот дијалог во земјата. Жирито одлучи оваа година на ТВ Алсат-М да и додели “Благодарница” за постојаниот придонес во меѓукултурниот дијалог.

ЕВРОПСКИ ФИЛМСКИ ФЕСТИВАЛ СИНЕДЕЈС ’08 – ОД 12 ДО 19 ДЕКЕМВРИ

Седмото издание на Европскиот филмски фестивал “Синедејс ‘08” поддржан од Мисијата на Европската Унија ќе се одржи од 12 до19 декември во кината Милениум и Фросина во Скопје. Под мотото “Гледајте филм” на фестивалот Синедејс оваа година на публиката и беа прикажани вкупно 37 филма од европските земји, кои ќе бидат прикажани на 40 проекции.

НАГРАДАТА 2008 ‘ЖАН МОНЕ’ ЗА НОВИНАРСКО ОСТВАРУВАЊЕ ЌЕ БИДЕ ПРОГЛАСЕНА НА 15 ДЕКЕМВРИ

На 15 декември, Мисијата на ЕУ ќе го прогласи добитникот на наградата на шестото издание на годинешниот конкурс ‘Жан Моне’ за најдобар новинарски труд на теми поврзани со Европската Унија.
 

ОДБЕЛЕЖУВАЊЕ НА МЕЃУНАРОДНИОТ ДЕН ЗА ЧОВЕКОВИ ПРАВА

Во среда, 10 декември, Мисијата на Европската Унија во Скопје, во соработка со тимот на Обединетите Нации во земјата и Советот на Европа ќе организира серија на настани за да се прослави 60-годишнината од Универзалната декларација за човекови права. Настаните ќе се одржат во Инфо центарот на ЕУ од 9:00 до 19:00.

УЧЕНИЦИТЕ ОД „ПЕТТАТА ПРИВАТНА ГИМНАЗИЈА” ГО ПОСЕТИЈА ИНФО ЦЕНТАРОТ НА ЕУ

Учениците од „Петтата приватна гимназија” го посетија Информативниот центар на Европската Унија во Скопје на 28 ноември.

Учениците присуствуваа на презентација за историјатот на Европската Унија и нејзините институции, како и за можностите кои се расположливи за младите луѓе. По предавањето, тие учествуваа во сесијата Прашања & Одговори и во краткиот квиз за ЕУ.

Округла маса “Европа комуницира” одржана во Инфо Центарот на ЕУ

На 19 ноември, округла маса насловена “Европа комуницира” беше одржана во Инфо центарот на ЕУ во Скопје, како дел од воведниот месец на активности.

Целта на округлата маса е да се анализираат најдобрите практики во информирањето на македонските граѓани за Европската Унија, да се идентификуваат главните предизвици кои претстојат и идни можни корисни пристапи.

Прикажување на филм и дебата за “Развој на интелигентни материјали”

На 14 ноември, Инфо центарот на ЕУ организираше прикажување на краток филм “Развој на интелигентни материјали” за студентите од факултетите за уметности, дизајн и текстил во поранешна југословенска република Македонија. По прикажувањето на филмот следуваше дебата за европските трендови во развојот и употребата на иновативни материјали во текстилната индустрија. (2009 е европска година на креативност и иновативност, за повеќе информации посетете ја следнава веб страна:

Презентација и консултации за ИПА инструментот за организациите на граѓанското општество, владини претставници и донатори

На 12 ноември, Мисијата на Европската Унија во Скопје организираше презентација и консултации во вркса со Инструментот за претпристапна помош (ИПА) со организациите на граѓанското општество, владини претставници и донатори..

ДИСЕМИНАЦИЈА РАБОТИЛНИЦА ПРЕС КОНФЕРЕНЦИЈА

На 12 ноември, Мисијата на Европската Унија и Европската агенција за реконструкција организираа прес конференција за главните лекции научени од спроведувањето на програмите за помош на ЕУ од страна на Европската агенција за реконструкција.
 

ДЕБАТА “УМЕТНОСТА И МЕЃУКУЛТУРНИОТ ДИЈАЛОГ” ОДРЖАНА ВО ИНФО ЦЕНТАРОТ НА ЕУ

На 10 ноември, Инфо центарот на ЕУ во Скопје организираше јавна дебата на тема “Уметноста и меѓукултурниот дијалог” .

На дебатата се собраа еминентни уметници, теоретичари и новинари, кои дискутираа за прашања поврзани со меѓукултурниот дијалог како основна вредност на Европската Унија, влијанието на процесот на европски интеграции на локалната уметничка сцена, улогата на уметноста во креирање на порта помеѓу културите, како и одговорностите на институциите и медиумите во унапредувањето на меѓукултурниот дијалог на локално, национално и европско ниво.

ВОВЕДЕН МЕСЕЦ НА ИНФО ЦЕНТАРОТ НА ЕУ
УЧЕНИЦИТЕ ОД СРЕДНОТО УЧИЛИШТЕ "ЈОСИП БРОЗ ТИТО” ОД СКОПЈЕ ГО ПОСЕТИЈА ИНФО ЦЕНТАРОТ НА ЕУ

Учениците од средното училиште "Јосип Броз Тито" во Скопје го посетија Информативниот центар на Европската Унија во Скопје на 7 ноември.

2008 Извештајот за напредокот претставен пред претставниците на граѓанското општество

На 6 ноември, Мисијата на Европската Унија во Скопје организираше презентација на Извештајот на напредокот во 2008 на Поранешна Југословенска Република Македонија, и на годишниот документ ”Стратегија за проширување и главни предизвици 2008-2009” за претставниците на граѓанското општество.

2008 Извештај за напредокот презентиран пред бизнис заедницата

На 6 ноември, Мисијата на Европската Унија во Скопје, организираше презентација на Извештајот за напредокот за 2008 на Поранешна Југословенска Република Македонија, и на годишниот документ ”Стратегија за проширување и главни предизвици 2008-2009” за бизнис заедницата.

ПРЕС КОНФЕРЕНЦИЈА ЗА ИЗВЕШТАЈОТ ЗА НАПРЕДОКОТ ВО 2008

Во среда, 5 ноември, Мисијата на Европската Унија во Скопје одржа прес конференција на која беше објавен Извештајот за напредокот во 2008 на Поранешна Југословенска Република Македонија и годишниот документ ”Стратегија за проширување и главни предизвици 2008-2009” во врска со политиката за проширување на ЕУ.

ПРЕЗЕНТАЦИЈА НА ПРОГРАМАТА ЕРАЗМУС МУНДУС

На 4 ноември, Инфо центарот на ЕУ во Скопје организираше презентација за програмата Еразмус Мундус за следниве целни групи: студенти, истражувачи, универзитети и академици.

Оваа презентација беше организирана по повод официјалното отворање на новиот Инфо центар на ЕУ и е дел од месецот на воведни активности на центарот.

Децата цртаат на тема ЕУ & Нова Година

На 3 ноември, единаесет талентирани деца од 5 училишта во Скопје, општина Центар,кои го посетија Инфо центарот на ЕУ во рамките на активноста “Отворени врати за учениците”, земаа учество на работилницата “Мали звездички на ЕУ” и цртаа на тема ЕУ и Нова Година.
Оваа работилница беше организирана по повод официјалното отворање на новиот Инфо центар на ЕУ и беше дел од месецот на воведните активности на центарот.  

АМБАСАДОРОТ ФУЕРЕ ГИ ПОЗДРАВИ ГРАЃАНИТЕ ВО ИНФО ЦЕНТАРОТ НА ЕУ

На 31 октомври, Инфо центарот на ЕУ при Делегацијата на Европската комисија во Скопје организираше “Отворен ден со амбасадорот Ерван Фуере” по повод официјалното отворање на новиот Инфо центар на ЕУ и е дел од месецот на воведни активности на центарот.

+ ПРОЧИТАЈ ПОВЕЌЕ

ОТВОРЕНА ИЗЛОЖБА “ЕУ МОМЕНТИ – ПРОШИРЕН ОБЈЕКТИВ”

Денеска, Амбасадорот Ерван Фуере, специјален претставник на ЕУ и шеф на Делегацијата на Европската комисија, офоцијално ја отвори Изложбата на фотографии од локални фоторепортери: "ЕУ моменти – проширен објектив" во Инфо центарот на ЕУ. Ова е прва од серијата на изложби на истата тема, и ќе бидат прикажани во текот на следните три седмици во просториите на Инфо центарот на ЕУ.