| |
Европскиот информативен и
иновативен центар (ЕИИЦМ) е дел од глобалната мрежа на
Enterprise Europe Network. Во неа членуваат преку 600 партнерски
организации од 45 држави, и тоа: здруженија на претпријатија,
стопански комори, универзитети, агенции кои даваат услуги на
повеќе од 25 милиони мали и средни претпријатија (МСП). Мрежата
Enterprise Europe Network e aдминистрирана од страна на
Извршната агенција за конкурентност и иновации – EACI при
Европската комисија и претставува еден од клучните инструменти
за реализација на Рамковната програма за конкурентност и
иновации – CIP на Европската унија.
Главната цел на ЕИИЦМ е да овозможи организиран настап на малите
и средни претпријатија на глобалниот пазар така што ќе се
надминат постоечките бариери. Подобрување на конкурентноста на
економијата преку зголемување на степенот на иновации на МСП е
основна мисија на ЕИИЦМ.
Дејноста на центарот опфаќа:
• Интернационализација на домашните МСП во бизнис сферата, во
трансферот на технологии и учество во научно-истражувачки
проекти;
• Дисеминација на информации од доменот на ЕУ политиките,
иницијативите и тековите релевантни за МСП;
• Наоѓање на меѓународни партнери за бизнис соработка,
технолошка размена и заедничко учество во развојни проекти;
• Организација на меѓународни настани: компаниски мисии,
брокерски настани, средби на компании и други форми на
билатерална и мултилатерална соработка;
• Воспоставување, водење и ажурирање на бази на компании од
земјата за меѓународна соработка;
• Информации и публикации за актуелни меѓународни прашања, теми
и настани;
• Обука, помош и поддршка на МСП за учество на единствениот
европски пазар;
• Поддршка на субјекти за учество во програмите на Европската
унија (ЦИП, ФП7 итн.)
• Промоција на домашните традиционални и културни вредности.
ЕИИЦМ во земјата претставува проектен конзорциум координиран од
Универзитетот „Св. Кирил и Методиј“ во Скопје. Членки на
конзорциумот се Фондацијата за менаџмент и индустриско
истражување, Агенцијата за поддршка на претприемништвото и
Стопанската комора. Со воспоставување на контакт со која било од
овие институции, МСП можат да ги добијат услугите од мрежата,
преку едношалтерски систем и бесплатно.
Контакт детали:
Европски информативен и иновативен центар – ЕИИЦМ
Универзитет „Св. Кирил и Методиј“ – Скопје – координатор
Бул. Крсте Мисирков бб
1000 Скопје
Тел. ++389 2 3 29 32 04
Website: www.eiicm.com.mk
www.een.mk
e-mail: eiicm@ukim.edu.mk
|
|
